Fór úr húsi í fyrsta skipti í 20 ár

Bresk kona sem þjáist af víðáttufælni hefur hætt sér út fyrir hússins dyr eftir að hafa ekki yfirgefið heimili sitt í tuttugu ár. Sue Curtis, sem er fertug að aldri, fékk taugaáfall árið 1989 er hún fór á bókasafn í heimabæ sínum og hefur ekki farið að heiman frá þeim tíma.

Vegna víðáttufælninnar gekk hún í hjónaband heima og gat ekki mætt í jarðarför föður síns. Vegna þess var kista hans borin inn á heimili hennar, að því er segir í frétt á vef BBC.

En eftir að hafa leitað sér hjálpar á netinu hefur henni tekist að fara út fyrir hússins dyr og gengið nokkur skref fyrir utan húsið. Curtis er tveggja barna móðir. Hún vonast til þess að nú liggi brautin fram á við og henni takist að brjóta ótta sinn á bak aftur.

• 1 blogg um fréttina

Bloggað um fréttina

• Þórkatla Snæbjörnsdóttir: Taugaáfall á bókasafni.