Gaf þjófinum pening og brauð

Eigandi verslunar í New York sem kom í veg fyrir rán í búðinni sinni sá aumur á innbrotsþjófnum og gaf honum 40 dollara, auk brauðhleifs. Þjófurinn staðhæfði að hann ætti ekki fyrir mat fyrir fjölskyldu sína.

Þetta kemur fram í frétt newsday.com þar sem einnig má sjá upptöku frá ráninu. Þar sést hvernig grímuklæddur maður ógnar eiganda verslunarinnar með kylfu í því skyni að fá hann til að afhenda sér peninga. Þegar eigandinn þykist ætla að teygja sig eftir seðlum grípur hann riffil undan búðarborðinu og beinir að þjófinum, sem krýpur á kné og biðst vægðar.

„Hann sagði „fyrirgefðu, ég á enga peninga, hef ekki vinnu og fjölskylda mín sveltur," sagði eigandinn Mohammad Sohail, í viðtali við vefsíðuna. „Þá fór ég að vorkenna honum og gaf honum 40 dollara."

Sohail sagðist ekki áforma að kæra hinn brjóstumkennanlega þjóf.

Fréttina og upptökuna má sjá hér.

• 2 blogg um fréttina

Bloggað um fréttina

• Tollinn: Fólk er gott
• Sigurbjörg Kristmundsdóttir: gaman