Fjórburar, fjórburar og svo tvíburar

Áströlsk kona, sem hefur eignast fjórbura í tvígang, eignaðist nýverið tvíbura. Konan, hin 31 árs gamla Dale Chalk, og Darren eiginmaður hennar eiga nú 11 börn sem eru öll yngri en sjö ára.

„Við vildum gjarnan eignast fleiri börn, en út frá læknislegu sjónarmiðið þá er þetta orðið gott,“ sagði Darren í viðtali við Courier-Mail. „Við þyrftum að kaupa stærri rútu,“ sagði hann ennfremur.

Árið 2005 var Dale aftur ófrísk af fjórburum. Börnin fæddust í október það ár en þrjú þeirra lifðu af.

Fyrstu fjórburarnir, tveir drengir og tvær stúlkur, fæddust í ágúst árið 2004. Þau munu byrja í skóla á næsta ári. Þá eiga hjónin sex ára gamla stúlku og aðra stúlku sem fæddist árið 2007.

Þau eru sögð hafa gengist undir frjósemismeðferð vegna fjölburafæðinganna.

• 3 blogg um fréttina

Bloggað um fréttina

• Ingheiður Brá Mánadóttir: hvað er að fólki!!
• Haraldur Haraldsson: Fjórburar, fjórburar og svo tvíburar/er þetta ekki heimsmet?????
• Jakob Falur Kristinsson: 11 börn