Biblíutilvitnanir fjarlægðar af byssusjónaukum

Bandarískur verktaki hefur ákveðið að hætta að hafa Biblíutilvitnanir á byssujónaukum sem hann smíðar fyrir Bandaríkjaher. Fyrirtækið Trijicon, sem er með höfuðstöðvar í Michigan, hefur sett merkingarnar, sem eru í raun tilvitnanir á dulmáli, á sjónaukana í marga áratugi.

Bandaríski hershöfðinginn David Petraeus sagði hins vegar í gær að tilvitnanirnar væru bæði truflandi og áhyggjuefni.

Trijicon selur einnig Áströlum, Bretum og Nýsjálendingum byssusjónauka.

Meðal þess sem stendur á sjónaukunum eru merkingarnar „2COR4:6“ og „JN8:12“ sem eru vísanir í síðar bréfs Páls postula til Kórintumanna og Jóhannesarguðspjall. Þær eru upphleyptar og koma á eftir vörunúmerinu.

Fyrirtækið heitir því að fjarlægja merkingarnar af öllu vörum sem það á eftir að senda Bandaríkjaher. Auk þess muni allar vörur sem fyrirtækið mun framleiða fyrir bandaríska varnarmálaráðuneytið í framtíðinni verða án þessara merkinga.

• 2 blogg um fréttina

Bloggað um fréttina

• Sigurður Gunnarsson: Góðar fréttir
• Ásgrímur Hartmannsson: En þetta voru svo viðeigandi tilvitnanir: