Páll sest í helgan stein
Setja bókamerki
Kolkrabbinn Páll, sem spáði rétt fyrir um úrslit leika í heimsmeistaramótinu í knattspyrnu og öðlaðist heimsfrægð fyrir, mun nú setjast í helgan stein.
„Hann mun nú draga sig í hlé úr sviðsljósinu og gera það sem honum þykir skemmtilegast: að leika við gæslumenn sína og gleðja börn sem koma og heimsækja hann," sagði Tanja Munzig, talsmaður sædýrasafnsins í Oberhausen í Þýskalandi.
Páll spáði rétt fyrir um sjö leiki Þjóðverja í mótinu og einnig spáði hann því að Spánverjar myndu hreppa heimsmeistaratitilinn.
Tvennum sögum fer af aldri og uppruna Páls. Sædýrasafnið segir að hann sé tveggja og hálfs árs og sé því að komast á eftirlaunaaldur kolkrabba, sem verða sjaldnast eldri en þriggja ára. Þjálfari Páls sagði hins vegar í blaðaviðtali í gær, að kolkrabbinn hefði veiðst undan ströndum Ítalíu nú í vor og þá hefði hann verið mánaðar gamall.
Sex hafa greinst með listeríu
Skiptir miklu meira máli en fólk grunar
Shakespeare fannst í skókassa
Kostnaður meiri en milljón á fermetra
Væri að ljúga ef ég segðist ekki stressaður
„Höfum ekki náð að skríða upp úr þeirri gryfju“
Vonast til að tjaldbúðir við HÍ standi áfram
Banna mengandi búnað sem leyfður er á Íslandi