Sextugur Panamabúi kveðst vera heimsmeistari í að skræla kókoshnetur og segir að nafn sitt muni birtast í næstu heimsmetabók Guinness. Hann staðhæfir að hafa í september síðastliðnum skrælt fimm hundruð kókoshnetur með tönnunum einum.
Andres Gardin er vel þekktur í heimalandinu en hann býr í Colon, sem er 100 km norður af Panamaborg. Hann vonast til að nafn sitt verði á allra vörum eftir að heimsmetabók Guinness kemur út og hann geti sýnt list sína víða um heim.