Mirror spyr um fljúgandi furðuhlut yfir Akureyri

„Furðulegt myndskeið af fljúgandi furðuhlut að falla frá himni hefur verið sett á netið,“ segir í frétt á vef breska dagblaðsins The Mirror nú í morgun. Myndskeiðið er frá Akureyri og á því sést sterkt ljós skyndilega koma yfir fjöllin og að því er virðist lenda í bænum. Mirror segir hlutinn líkjast eldknetti.

Myndbandið hefur verið sett á YouTube fyrir nokkrum dögum. Það er 43 sekúndna langt.

Sá sem hlóð myndbandinu þangað segir sjálfur um fyrirbærið að þegar það lendi á jörðinni sjáist tveir blossar. Það sé mjög athyglisvert.

 Ábendingar berast reglulega til lögreglu og fleiri aðila um fljúgandi furðuhluti á himni sem undanfarin misseri er oft hægt að skýra með hinum vinsælu skýjaluktum. 

• Blogga um frétt