Hjón í Pennsylvaníu í Bandaríkjunum voru í dag dæmd í tveggja ára skilorðsbundið fangelsi fyrir að hafa lokað 5 ára gamlan son sinn í skotti bifreiðar og ekið um með hann í umferðinni. Hjónin sögðu við lögreglu að þau hafi reynt að hjálpa honum að sigrast á myrkfælni.
Hjónin létu drenginn fá vasaljós þegar þau settu hann í skottið og sögðu honum að leita að sælgæti. Gerðu þau það í þrígang, samkvæmt því sem kemur fram í lögregluskýrslunni.
Lögfræðingur hjónanna segir að atvikin hafi ekki verið eins og þeim var lýst í lögregluskýrslunni, heldur hafi þetta verið meira „eins og skemmtilegur leikur.“
Sjá frétt NBC