Fyrr í ár var tilkynnt að vinsælasti sjónvarpsþáttur í Bandaríkjunum, The Big Bang Theory, yrði áfram á dagskrá í að minnsta kosti þrjú ár í viðbót.
Tökur hafa hins vegar ekki hafist vegna þess að nokkrir aðalleikara þáttanna, Jim Parsons, Kaley Cuoco, Kunal Nayyar og Simon Helberg, mættu ekki við tökur vegna deilna um launagreiðslur.
Leikararnir fara með burðarhlutverk í þáttunum, en þeir fara með hlutverk Sheldons Coopers, Penny, Raj Koothrappali og Howards Wolowitz.
Í yfirlýsingu frá Warner Bros Television (WBTV) segir að „vegna samningaviðræðna við leikarana hefur tökum, sem áttu að hefjast í dag, verið frestað“.
Hollywood Reporter hermir hins vegar að þau hafi verið í samningaviðræðum við WBTV síðan í september.
Þrátt fyrir þetta er ekki búist við að sýning á fyrsta þætti nýjustu þáttaraðarinnar, sem á að vera 22. september, muni frestast.