Utanríkisráðherra Frakkklands segir að tími Íraka sé senn á þrotum

Dominique de Villepin, utanríkisráðherra Frakklands, á fundi öryggisráðsins.
Dominique de Villepin, utanríkisráðherra Frakklands, á fundi öryggisráðsins. AP
Dominique de Villepin, utanríkisráðherra Frakklands, hvatti í dag Íraka til þess að svara ásökunum um að þeir hefðu yfir að ráða kjarnavopnum. Villepin segir að sá tími sem ráðamenn í Írak hefðu, til þess að sýna vopnaeftirlitsmönnum Sameinuðu þjóðanna samvinnu, væri senn á þrotum. "Við höfum beðið Saddam Hussein að svara kröfum alþjóðasamfélagsins," sagði ráðherrann við Europe-1 útvarpsstöðina þegar hann snéri aftur til Frakklands eftir að hafa hlýtt á Colin Powell, utanríkisráðherra Bandaríkjanna, á fundi öryggisráðs SÞ.

Á fundinum, sem fram fór í gær, lagði Powell meðal annars fram gögn sem hann sagði að sýndu að Írakar hefðu hindrað störf eftirlitsmanna. "Við bíðum eftir því hvað Írakar hafa að segja um ásakanir um að þeir hafi yfir að ráða efna- og lífefnavopnum," segir Villepin, en ráðherrann bendir á að afstaða Frakka til mögulegra aðgerða í Írak sé óbreytt. Hann segir að hernaðaraðgerðir séu síðasta úrræðið í deilunni um Írak. Villepin lagði jafnframt áherslu á að Írakar samþykktu og létu undan kröfum alþjóðasamfélagsins með því að heimila viðtöl við íraska vísindamenn án milligöngu ráðamanna þar í landi. Þá yrðu Írakar að heimila flug U-2 njósnavélar yfir Írak, en slíkt flug væri hluti af vopnaeftirliti SÞ.

Powell lagði fram á fundinum í gær gervihnattamyndir, hljóðrituð símtöl og önnur gögn sem eiga að styðja málstað Bandaríkjamanna gegn Írak. Jean-Francois Bureau, talsmaður varnarmálaráðherra Frakklands, sagði í dag að franska leyniþjónustan hefði staðfest hluta af því sem Powell hélt fram á fundinum.

mbl.is

Frá Sýrlandi til Evrópu - Greinaflokkur

Stálstólar nýklæddir - gæða stólar - sími 869-2798
Er með nokkra gæða íslenska stálstóla, þessa gömlu góðu á 12,500 kr, stykkið, N...
Hársnyrtistóll með pumpu
Góður og þægilegur hársnyrtistóll auðvelt að skipta um áklæði. Verðhugmynd 15-20...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Fjölskylda óskar eftir 4+herb íbúð
Fimm manna fjölskylda frá Akureyri bráð vantar 4+ herb íbúð á höfuðborgarsvæðinu...
 
Deiliskipulag
Tilboð - útboð
Kjósarhreppur auglýsir skv....
Skrifstofustjóri
Stjórnunarstörf
Skrifstofustjóri óskast til starfa hjá ...
Félagsstarf
Staður og stund
Árskógar 4 Opin smíðastofa kl. 9-16. Sun...
Breyting á aðal- og deiliskipulagi
Tilkynningar
Auglýsing um skipulag á Akranesi Till...