Dæmdur kynferðisafbrotamaður sem rændi níu ára stúlku, nauðgaði henni og gróf svo lifandi í ruslapokum í garði sínum hefur verið dæmdur til dauða af yfirvöldum í Flórída í Bandaríkjunum.
Morðinginn, John Evander Couey var viðstaddur þegar dómarinn Ric Howard kvað upp dóminn, auk fjölskyldu stúlkunnar.
Lögfræðingur Couey hafði sagt að ólögmætt væri að taka hann af lífi þar sem hann væri alvarlega greindarskertur, en Howard vísaði þeim rökum á bug fyrr í mánuðinum í harðorðum úrskurði.
Tíu af tólf kviðdómendum mæltu með dauðadómi, en það er hins vegar dómara að taka endanlega slíkar ákvarðanir í slíkum málum.