Sótt að gríslingum í barnasögum
Gríslingur með öðrum tuskudýrum sem voru fyrirmyndirnar að sögunum um Bangsímon. Reuters
Svín eru álitin óhrein í íslam og munu margir viðskiptavinir bankans hafa kvartað undan sparigrísnum Knorbert, sem hefur verið sparibaukur bankans í sjö ár. Talsmaður bankans segir þó ekki rétt að bankinn hafi látið undan þrýstingi múslíma heldur hafi Knorbert einfaldlega runnið sitt skeið. þá standist hann ekki þær kröfur sem gerðar séu til lukkudýra og vörumerkja í fjölmenningarsamfélagi nútímans.
Til stendur að hanna nýtt lukkudýr fyrir bankann en þangað til munu barnungir viðskiptavinir hans fá barnaalfræðiorðabók að gjöf.Í Bretlandi hafa bankarnir Halifax og NatWest þegar hætt að gefa börnum sparigrísi. Þar hefur leikskólabörnum einnig verið bannað að segja börnum söguna af úlfinum og grísunum þremur og hefur þeim þess í stað verið uppálagt að að segja sömu sögu með kettlingum í aðalhlutverki.
Þá liggur nú fyrir tillaga um það í bæjarráði Dudley að banna allar myndbirtingar af grísum á vegum hins opinbera en í tillögunni er Gríslingur úr sögunni um Bangsímon nefndur sem dæmi um grís sem ætti að banna.
