Fimm Palestínumenn létu lífið á Gasa í dag í átökum Ísraela og Palestínumanna á Gasa ströndinni. Ísraelskir skriðdrekar fóru inn á Gasa svæðið í morgun og hófu skothríð, en Ísraelar höfðu heitið því að hefna árás sem gerð var við landamæri Gasa og Ísrael fyrr í vikunni.
Tíu ára palestínskur drengur lét lífið og þrír táningar sem voru inni í húsi sem varð fyrir árás Ísraela. Að minnsta kosti 25 manns særðust í átökunum í dag, en samkvæmt upplýsingum AFP fréttastofunnar særðust þrjú börn alvarlega.
Ísraelski herinn staðfesti í morgun að herinn væri með aðgerðir á Gasa og hefði lent í átökum. Þau koma í kjölfarið á árásum ísraelska flughersins á suðurhluta Gasa í gærkvöldi, tveir herskáir Hamas-liðar féllu og tveim dögum áður stóðu herskáir Hamas-liðar stóðu fyrir árás yfir landamærin þar sem tveir Ísraelsmenn féllu.