Vill fá frelsi áður en hún deyr

Susan Atkins.
Susan Atkins. AP
Susan Atkins, sem tók þátt í að myrða leikkonuna Sharon Tate og fjóra vini hennar árið 1969 í Hollywood, er dauðvona og á þá ósk heitasta að fá frelsi áður en hún deyr. Atkins, sem er sextug að aldri, hefur setið í fangelsi í 37 ár vegna morðanna, lengur en nokkur önnur núlifandi kona.

Yfirvöld í Kalíforníu staðfesta, að heilsa Atkins sé slæm en hún er með heilaæxli. Læknar segja að hún eigi um hálft ár eftir ólifað. Það tæki hins vegar álíka langan tíma fyrir Atkins að fá náðun.  

Atkins var á sínum tíma í svonefndri Mansonfjölskyldu, hálfgerðum sértrúarsöfnuði sem Charles Manson stýrði. Manson fékk fjögur úr fjölskyldunni, Atkins, sem var 22 ára, Charles „Tex" Watson, sem var 25 ára, Patriciu Krenwinkel, 22 ára og and Lindu Kasabian, 20 ára, til að  myrða Tate og vini hennar.

Við réttarhöld vegna málsins viðurkenndi Atkins aðild sína og lýsti blóðbaðinu. Tate, sem þá var 26 ára, var gift kvikmyndaleikstjóranum Roman Polanski og var kominn átta og hálfan mánuð á leið. Hefur Atkins lýst því, að Tate bað ítrekað um að fá að lifa þar til barn hennar fæddist. Polanski var staddur erlendis þegar þetta gerðist.

Atkins var upphaflega dæmd til dauða ásamt Manson og fleirum úr fjölskyldunni en þeim dómi var breytt í ævilangt fangelsi árið 1972.

Mansonfjölskyldan framdi fleiri morð þetta sumar og alls var fjölskyldan dæmd fyrir níu morð. Lögreglu grunar, að félagar í fjölskyldunni kunni að hafa framið allt að 30 morð og fyrir nokkrum vikum hóf lögregla á ný rannsókn á sveitabæ, þar sem fjölskyldan bjó um tíma. Grunur lék á, að þar væru grafin lík en ekkert fannst.

Charles Manson er nú kominn á áttræðisaldur og situr í fangelsi í Kalíforníu. Hann hefur ítrekað reynt að fá reynslulausn en án árangurs.
Sharon Tate.
Sharon Tate.
mbl.is

Bloggað um fréttina

Frá Sýrlandi til Evrópu - Greinaflokkur

Vel með farinn Golfbíll til sölu á kr. 580.000
Bíllinn er með nýjum rafgeimum og mjög vel með farinn að öllu leiti. upplýsing...
Antik konsúlskápur og spegill
Mublan er í góðu ásigkomulagi og það er nýbúið að skipta um spegil. Verð 39.000 ...
Heima er bezt tímarit
6. tbl. 2017 Þjóðlegt og fróðlegt Áskriftarsími 553 8200 www.heimaerbezt.net ...
Hársnyrtistóll með pumpu
Góður og þægilegur hársnyrtistóll auðvelt að skipta um áklæði. Verðhugmynd 15-20...
 
Félagsstarf
Staður og stund
Árskógar 4 Smíðar/útskurður m./leiðb. kl...
Skrifstofustjóri
Stjórnunarstörf
Skrifstofustjóri óskast til starfa hjá ...
Geirlandsá - útboð óskað er eftir tilbo
Veiði
Geirlandsá - útboð Óskað er eftir til...
Félagsstarf
Staður og stund
Árskógar 4 Opin smíðastofa kl. 9-16. Sun...