Ræði aðild Noregs að ESB
Setja bókamerki
Leiðtogi Hægriflokksins í Noregi, Erna Solberg, segir að engu skipti hverjir verði við stjórnvölinn 2009-2013, hefja verði umræður um aðild landsins að Evrópusambandinu. Íslendingar hyggist bjarga sér úr sínum vanda með inngöngu og þá verði EES-samningurinn búinn að vera.
Solberg gagnrýndi á flokkstjórnarfundi í dag að í stjórnarsáttmála samsteypustjórnar Jens Stoltenbergs sé ákvæði um að ekki skuli ræða ESB-málin. Norðmenn hafa tvisvar fellt í þjóðaratkvæðagreiðslu aðild að sambandinu, síðast 1994.
Solberg segir í viðtali við Aftenposten að sjómenn í Noregi, sem eru margir andvígir ESB-aðild, eigi að geta séð hvað aðstæður breytist mikið ef Ísland fái aðild.
,,Sjómenn sem semja núna við Íslendinga hljóta að gera sér grein fyrir því að staðan verður önnur ef Ísland setur fram kröfur gagnvart Noregi og hefur ESB að bakhjarli. Auk þess tel ég að sjávarútvegsstefna ESB sé betri en hún var 1994," segir Solberg.
Tveir í bílnum sem lenti utan vegar
Shakespeare fannst í skókassa
„Höfum ekki náð að skríða upp úr þeirri gryfju“
Skemmtiferðaskip hætt komið nærri Viðey
Eyjafjarðarbraut lokað vegna alvarlegs umferðarslyss
Banna mengandi búnað sem leyfður er á Íslandi
„Það þarf að vinna mikinn fjölda upp“
„Umsátursástand“