Vilja ræða við yfirvöld

Taílenskir stjórnarandstæðingar sem tekið hafa yfir tvo helstu flugvelli Bangkok hafa samþykkt að eiga formlegar viðræður við taílensk yfirvöld á morgun. Hundruðir lögreglumanna hafa tekið sér stöðu fyrir utan Suvarnabhumi flugvöll en lögregluyfirvöld hafa ítrekað að ekki verði gert áhlaup á flugstöðina.

Forsætisráðherra Taílands lýsti í gær yfir neyðarástandi á flugvöllunum tveimur og sagði mótmælendurna halda landinu í gíslingu.

Í viðræðunum við yfirvöld verða einni viðstaddir ríkisstjóri Samut Prakam-héraðs þar sem Suvarnabhumi flugvöllur er staðsettur, fulltrúi flugvalla í Taílandi, formaður mannréttindasamtaka og fjölmiðlar.

Mótmælendur krefjast þess að ríkisstjórnin segi af sér og sakar hana um spillingu og tengsl við fyrrverandi forsætisráðherra landsins, Thaksin Shinawatra.

• 1 blogg um fréttina

Bloggað um fréttina

• Guðjón Heiðar Valgarðsson: hetjur