Ráðaleysi í Öryggisráðinu

Enn ríkir ágreiningur innan Öryggisráðsins vegna átakanna á Gaza-svæðinu og kom ráðið sér ekki saman um sameiginlega yfirlýsingu um vopnahlé en árásir Ísraela hafa nú staðið yfir í 12 daga.

Líbía, sem er eini fulltrúi Arabaríkja í ráðinu fór fram á kosningu um drög að samþykkt „sem krefst tafarlausra loka“ á árásum Ísraela sem voru hafnar til að binda endi á eldflaugaárásir Hamas-samtakanna.

Önnur tillaga að yfirlýsingu var einnig í umferð sem aðeins legði áherslu á „tafarlaust og varanlegt vopnahlé“ og tæki frumkvæði Egypta að vopnahléi sem þeir lögðu fram í gær.

Áfram verður fundað í ráðinu þar til niðurstaða fæst en til að yfirlýsing verði samþykkt verður hún að hljóta samþykki allra 15 aðildarríkja Öryggisráðsins.

Yfir 700 Palestínumenn eru taldir hafa látist í árásum Ísraela.

• 3 blogg um fréttina

Bloggað um fréttina

• Sigurður Axel Hannesson: Óráð
• Ástþór Magnússon Wium: Ingibjörg Sólrún, ekki bíða eftir vindmyllum S.Þ.
• Birgitta Jónsdóttir: Meðalaldur íbúa á Gaza er 17 ár