Frakkar gagnrýna ummæli Benedikts páfa
Setja bókamerki
Franska utanríkisráðuneytið lýsir yfir miklum áhyggjum af orðum Benedikts páfa, sem hafnar því að smokkar séu notaðir í baráttunni gegn alnæmi og HIV-veirunni. Páfi, sem er nú á ferðalagi um Afríku, segir að dreifing á smokkum muni aðeins auka á vandann.
Kaþólska kirkjan segir að hjónatryggð og kynlífsbindindi séu bestu leiðirnar í baráttunni við útbreiðslu HIV-veirunnar.
Frakkar, sem taka í sama streng og margar hjálparstofnarnir, hafa lýst yfir þungum áhyggjum vegna ummæla páfans.
„Þrátt fyrir það það sé ekki í okkar verkahring að dæma kenningar kirkjunnar, þá teljum við að slík ummæli séu ógn við almenna stefnu í heilsufarsmálum og þeirri skyldu að vernda mannslíf,“ segir Eric Chevallier, talsmaður franska utanríkisráðuneytisins.
Benedikt páfi kom til Kamerún í gær. Hann verður í Afríku í eina viku.
Kostnaður meiri en milljón á fermetra
Banna mengandi búnað sem leyfður er á Íslandi
Telur forsendur fyrir vaxtalækkun
Skiptir miklu meira máli en fólk grunar
Krefjast stöðvunar framkvæmda
Nemendur í HÍ reistu tjaldbúðir án leyfis
Hvorki sést áður hér á landi né annars staðar