Allt að 800 gervikjörstaðir

Hamid Karzai, forseti Afganistans.
Hamid Karzai, forseti Afganistans. Reuters

Stuðningsmenn Hamids Karzais, forseta Afganistans, eru sagðir hafa búið til allt að 800 kjörstaði á pappírnum til að sjá honum fyrir tugum þúsunda falsaðra atkvæða. The New York Times hefur þetta eftir vestrænum stjórnarerindrekum í Afganistan.

Heimildarmenn blaðsins segja að kosningasvikin hafi verið svo umfangsmikil að í sumum héruðum hafi atkvæði Karzais verið tíu sinnum fleiri en áætlaður fjöldi þeirra sem kusu í raun og veru.

Mjög lítil kjörsókn var á stórum svæðum í sunnanverðu landinu vegna hættu á árásum talibana. Á mörgum kjörstöðum voru engir eftirlitsmenn vegna hótana talibana.

„Við teljum að um 15% kjörstaðanna hafi aldrei verið opnuð á kjördeginum. Samt komu þaðan þúsundir atkvæða frá stuðningsmönnum Karzais,“ sagði vestrænn stjórnarerindreki.

Afgönsk yfirvöld segja t.a.m. að 350.000 manns hafi greitt atkvæði í Kandahar, heimahéraði forsetans. Vestrænir stjórnarerindrekar telja að í raun hafi aðeins 25.000 manns kosið þar.

Helsti keppinautur Karzais, Abdullah Abdullah, fyrrverandi utanríkisráðherra, hefur sakað stuðningsmenn forsetans um stórfelld kosningasvik.

Samkvæmt síðustu kjörtölum var Karzai með 48,6% fylgi og Abdullah 31,6% þegar atkvæði höfðu verið talin í nær þremur fjórðu kjörstaðanna. Talið er nánast öruggt að yfirvöldin lýsi því yfir að Karzai hafi fengið meira en helming atkvæðanna, eða nógu mörg til að ekki þurfi að kjósa aftur á milli tveggja efstu frambjóðendanna.

mbl.is

Bloggað um fréttina

Frá Sýrlandi til Evrópu - Greinaflokkur

Dúskar ekta Þvottabjörn og Silfurrefur
Er með mikið úrval af dúskum á húfur með smellum get sent myndir fleiri litir í ...
Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
Rexton 2016. Á frábæru verði 3,990,000-
Vorum að fá inn SSangyong Rexton 2016 ekinn 50þús km, sjálfskiptur. Bíll byggðu...
HARMONIKKUHURÐIR SPARA MIKIÐ PLÁSS
Smíðum eftir máli, oftast afgreiddar samdægurs, verð frá kr. 13.900,- Mex ehf, ...
 
Land til sölu
Til leigu
Land til sölu Til sölu eða leigu 4,6 h...
Aðalskipulag snæfellsbæjar
Fundir - mannfagnaðir
Auglýsing á aðalskipulagi Snæfellsbæ...
Félagsstarf
Staður og stund
Aflagrandi 40 Opin vinnustofa kl 9, fore...
Deiliskipulag
Tilkynningar
Skútustaðahreppur Auglýsing um deilis...