Óvænt brjóstasýning í grænlenska sjónvarpinu
Setja bókamerki
Grænlenska ríkissjónvarpið hefur beðist afsökunar á því, að í stað lokamínútna leiks Danmerkur og Portúgals í riðlakeppni heimsmeistarakeppninnar í knattspyrnu á laugardag birtust skyndilega myndir af berum konubrjóstum.
Fram kemur á vef grænlenska sjónvarpsins að rafmagn hafi farið af hluta Nuuk síðdegis á laugardag. Tæknimenn sjónvarpsins hafi brugðist hratt við og tekist að senda fótboltaleikinn út með varabúnaði. En í hita leiksins hafi starfsmaður ýtt á rangan hnapp með þeim afleiðingum, að það sást bein útsending frá danska sjónvarpinu DR2 þar sem verið var að sýna þáttinn Naktar játningar. Í nokkrar sekúndur hafi sést mynd af nakinni konu í stað knattspyrnuleiksins.
„Þetta var slæm tímasetning en óhappið varð og KNR biðst velvirðingar á mistökunum," segir á vefnum.
Tæknimönnum grænlenska sjónvarpsins tókst síðan að sýna grænlenskum knattspyrnuáhugamönnum síðustu sekúndur leiksins.
Handteknir eftir myndatöku í Vesturbæjarlaug
Tveir í bílnum sem lenti utan vegar
Væri að ljúga ef ég segðist ekki stressaður
Sex hafa greinst með listeríu
Shakespeare fannst í skókassa
Krefjast stöðvunar framkvæmda
„Umsátursástand“