Drengurinn fannst á lífi

Loftbelgurinn lenti skammt frá Denver í Colorado.
Loftbelgurinn lenti skammt frá Denver í Colorado. Reuters

Sex ára drengur, sem óttast var um í Coloradoríki í Bandaríkjunum þar sem talið var að hann hefði farið um borð í heimasmíðaðan loftbelg, er fundinn á lífi.

Segir lögregla að drengurinn, Falcon Heene, hafi falið sig í kassa á háalofti í bílskúr við heimili sitt. Er talið að drengurinn hafi falið sig þar eftir að hann varð þess valdandi að belgurinn fór á loft.

Loftbelgurinn, sem er heimatilbúinn, sveif yfir Coloradoríki í Bandaríkjunum síðdegis á miklum hraða og í mikilli hæð en hann lenti skammt frá Denver.

Bandaríska þjóðin fylgst með málinu í kvöld en sjónvarpsstöð í Denver sýndi myndir beint af loftbelgnum þar sem hann sveif í allt að 2 km hæð og þess á milli féll hann hratt í átt til jarðar. Hraði belgsins mældist allt að 40 km á klukkustund.

Að sögn lögreglu í Colorado var Richard Heene, faðir drengsins, að vinna við belginn í garði við hús fjölskyldunnar. Talið var að drengurinn hefði klifrað upp í trébúr sem fest var við belginn. Af einhverjum ástæðum losnuðu festingar loftbelgsins í kjölfarið og hann sveif af stað.  Búrið var hvergi sjáanlegt þegar belgurinn lenti.

mbl.is

Bloggað um fréttina

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

Verkefnisstjóri
Stjórnunarstörf
Verkefnisstjóri Stjór...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Eldri borgarar
Staður og stund
Aflagrandi 40 Hjá okkur er opin vinnusto...
Eldri borgarar
Staður og stund
Aflagrandi 40 Opin vinnustofa kl. 9 og s...