Allsherjarverkfall í vændum

Allsherjar verkfall verður á Grikklandi á morgun. Opinberir starfsmenn lögðu niður vinnu í Grikklandi í dag og á morgun bætast í hópinn starfsmenn á almennum vinnumarkaði. Um er að ræða fyrstu aðgerðir almennings vegna fyrirætlana stjórnvalda um gríðarlegan niðurskurð. Fleiri munu fylgja í kjölfarið.

Til átaka kom í dag milli um þúsund mótmælenda og lögreglu á götum Aþenu. Stéttarfélög í Grikklandi segja að aðgerðir stjórnvalda komi harðast niður á lágtekjufólki.

Á morgun má búast við að starfsemi ráðuneyta og annarra opinberra stofnana lamist. Sjúkrahús verði rekin samkvæmt neyðaráætlun auk þess sem öllum flugferðum til og frá landinu verður aflýst.

• 3 blogg um fréttina

Bloggað um fréttina

• Eyþór Laxdal Arnalds: Evran fær grikk
• Rakel Sigurgeirsdóttir: Þetta gætum við líka gert!
• Jóna Kolbrún Garðarsdóttir: Við ættum að gera Grikki að fyrirmyndum okkar