ESB fái stöðu á við ríki innan SÞ

Höfuðstöðvar Evrópusambandsins í Brussel.
Höfuðstöðvar Evrópusambandsins í Brussel. AP

Forseti Evrópusambandsins (ESB), Herman van Rompuy, mun í framtíðinni geta ávarpað samkundur Sameinuðu þjóðanna með sama hætti og Barack Obama, Bandaríkjaforseti og aðrir þjóðhöfðingjar ríkja sem eiga aðild að þeim samkvæmt samkomulagi sem aðildarríki sambandsins hafa samþykkt. Frá þessu er m.a. greint í dag á fréttavefnum Euobserver.com sem sérhæfir sig í fréttum tengdum ESB.

Samkvæmt samkomulaginu verður farið fram á það á næstu vikum við allsherjarþing Sameinuðu þjóðanna að ESB verði veitt hliðstæð réttindi og aðildarríki þeirra hafa. Eins og staðan er í dag hefur sambandið sem slíkt aðeins áheyrnarréttindi líkt og t.a.m. Arababandalagið og þingmannanefnd Atlantshafsbandalagsins (NATO) en nái þessi áform fram að ganga mun utanríkisráðherra ESB, Catherine Ashton, m.a. fá réttindi til þess halda ræður, svara fyrirspurnum, hefja umræður og dreifa gögnum sem hingað til hefur verið bundið við aðildarríki Sameinuðu þjóðanna.

Umrætt samkomulag er byggt á heimild í Lissabon-sáttmála ESB sem tók gildi í lok síðasta árs. Í umfjöllun breska dagblaðsins Daily Telegraph kemur fram að nýr utanríkisráðherra Bretlands, William Hague, hafi ekki getað lagst gegn því að þetta skref yrði tekið þar sem fyrri ríkisstjórn landsins hafði samþykkt sáttmálann og þar með bundið hendur breskra ráðamanna.

Haft er eftir embættismanni hjá ESB að hugmyndin á bak við þessar breytingar sé sú að auka vægi sambandsins á alþjóðavettvangi sem sjálfstæðrar einingar.

mbl.is

Bloggað um fréttina

Frá Sýrlandi til Evrópu - Greinaflokkur

Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
Til leigu snyrtilegt og bjart 120 fm
atvinnuhúsnæði vestast á Kársnesi. Leigist eingöngu fyrir lager eða þ.h. uppl...
Vönduð vel búin kennslubifreið
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
Opinn fundur
Fundir - mannfagnaðir
Sjálfstæðisflokkurinn í Hafnarfi...
Eldri borgarar
Staður og stund
Aflagrandi 40 Dagurinn byrjar á opinni v...
Reikningsskiladagur
Fundir - mannfagnaðir
Reikningsskiladagur FLE Föstudagur...
Framhaldssala
Nauðungarsala
Uppboð Einnig birt á www.naudungarsolu...