Frakkar setja bann við búrkum

Öldungadeild franska þingsins samþykkti í dag með miklum meirihluta lög sem banna að konur hylji sig algjörlega með slæðu á almannafæri. Frumvarpið hafði áður verið samþykkt af neðri deild þingsins í júlí. Bannið nýtur mikils stuðnings meðal almennings en gagnrýnendur benda á að aðeins lítill hluti franskra múslíma noti slæður.

Nicolas Sarkozy Frakklandsforseti styður bannið og segir það lið í stærri umræðu um franskt þjóðerni. Svipað lögbann er til umræðu  bæði á Spáni og í Belgíu. Atkvæði á franska þinginu í dag féllu þannig að 246 kusu með banninu en aðeins 1 þingmaður kaus gegn því. Frumvarpið verður sent til stjórnarskrárnefndar sem hefur mánuð til að fara yfir það og staðfesta að það samræmist stjórnarskrá. Að óbreyttu mun bannið þá taka gildi á næsta ári, en hugsanlegt er þó að málið endi fyrir Mannréttindadómstól Evrópu.

Talið er að um 2.000 konur hylji sig algjörlega með slæðu í Frakklandi. Lögin banna klæðnaðina niqab og búrku, sem hylja andlitið með allt nema augun, á almannafæri. Lögin kveða á um 150 evru sek til kvenna sem brjóta lögin og 30.000 evra sekt og eins árs fangelsisdóm til karla sem þvinga konur sínar til að hylja sig. Frakkar líta svo á að niqab og búrkur séu ógnun við kvenfrelsi.

Niqab klæðnaður hylur allan líkamann nema augun.
Niqab klæðnaður hylur allan líkamann nema augun. KHALED AL-HARIRI
Búrkur eru sá klæðnaður sem hylur hvað mest og eru ...
Búrkur eru sá klæðnaður sem hylur hvað mest og eru jafnvel augun hulin með neti. RAHEB HOMAVANDI
mbl.is

Bloggað um fréttina

Frá Sýrlandi til Evrópu - Greinaflokkur

Dúskar með smellu Þvottabjörn
Til sölu mjög fallegir dúskar ekta þvottabjarnaskinn eru með smellu verð 1800kr ...
PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Faglærður húsasmiður .
B.Bollason ehf. Byggingaverktaki. Tek að mér smíðavinnu fyrir einstaklinga og f...
 
Tillaga
Tilkynningar
Tillaga að matslýsingu Í samræmi við l...
Álagning vanrækslugjalds
Nauðungarsala
Sýslumaðurinn á Vestfjörðum Auglýsin...
Land til sölu
Til leigu
Land til sölu Til sölu eða leigu 4,6 h...
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...