Öldruð hjón unnu milljarð og gáfu allt

Þau Allen og Violet Large vildu einbeita sér að baráttunni ...
Þau Allen og Violet Large vildu einbeita sér að baráttunni við krabbameinið og gáfu lottóvinninginn til sjúkrahúsa og góðgerðastofnanna. AP

Kanadísk hjón á áttræðisaldri sem unnu stóra pottinn í lottóinu í fyrr á þessu ári, vinning sem nam rúmum milljarði íslenskra króna, hafa gefið allan peninginn frá sér til góðgerðamála og vinafólks.

Þau Allen og Violet Large segja að hið skyndilega ríkidæmi fyrr á þessu ári hafi verið þeim „mikill hausverkur" og þau hafi verið sammála um að fara ekki á neitt eyðslufyllerí. „Þú munt aldrei sakna þess sem þú hefur aldrei átt," hefur kanadíska dagblaðið Toronto Star eftir Violet.

Þau hjónin hafa verið gift í 36 ár og settust í helgan stein árið 1983. Þau segjast hafa verið ágætlega stæð, engir milljónamæringar, en haft það gott. Um það leyti sem þau unnu stóra vinninginn var Violet að hefja krabbameinsmeðferð og höfðu þau hjónin áhyggjur af því að þau væru viðkvæm fyrir áreiti og svikum misheiðarlegs fólks sem myndi ásælast vinninginn. Á endanum komust þau að þeirri sameiginlegu niðurstöðu að betra væri að gefa en að þiggja og fannst lítið mál að gefa alla peningana.

Violet hefur síðan gengist undir skurðaðgerð við krabbameininu lauk lyfjameðferð í síðustu viku. Þau létu stærstan hluta fjárins renna til kanadískra sjúkrahúsa, en auk þess að styrkja ættingja sína fjárhagslega gáfu þau einnig ýmsum góðgerðarfélögum veglega styrki. „Þessir peningar voru okkur einskis virði," segir Allen. „Við höfum hvort annað."

mbl.is

Bloggað um fréttina

Frá Sýrlandi til Evrópu - Greinaflokkur

Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
útskorið og flott sófaborð
er með fallegt sófaborð útskorið með svartri glerplötu á 35,000 kr sími 869-2798...
Sólin er kl. 7 á Hreiðarsstaðafjallinu
Bók sem leynir á sér eftir Jóhannes Sigvaldason úr Svarfaðardal. Norðlenski húmo...
NISSAN bátavélar 110 og 130 hp
Bátavélar 8-130 hp , TD-Marine bátavélar 58 hp á lager, 37 og 70 hp á væntanleg...
 
Eldri borgarar
Staður og stund
Aflagrandi 40 Opin vinnustofa kl. 9, gön...
Framhald uppboðs
Nauðungarsala
Uppboð Einnig birt á www.naudungarsolu...
L helgafell 6017121319 vi
Félagsstarf
? HELGAFELL 6017121319 VI Mynd af au...
Land til sölu
Til leigu
Land til sölu Til sölu eða leigu 4,6 h...