Saddam vildi dætur Rumsfeld dauðar

Donald Rumsfeld, fyrrverandi varnarmálaráðherra Bandaríkjanna, segir Saddam Hussein, fyrrum forseta Íraks, hafa lagt 60 milljónir bandaríkjadollara til höfuðs dætra hans í hefndarskyni fyrir dauða tveggja sona Husseins. Að sögn Rumsfeld bauð Husseim hverjum sem gat afhent honum höfuð stúlknanna féð. Rumsfeld fékk að vita af hættunni á fundi í október árið 2003, en þá hafði bandaríkjaher fellt synina, Uday og Ousay, og fjórtán ára gamalt barnabarn Husseins, Mustapha.

Dætrum George W. Bush, fyrrverandi forseta Bandaríkjanna, var ógnað á svipaðan hátt en leyniþjónusta Bandaríkjanna veitti fjölskyldu hans vernd í kjölfarið. Að sögn Rumsfeld naut hann og fjölskylda hans ekki þeirra forréttinda. „Að sjálfsögðu naut forsetinn og fjölskylda hans verndar leyniþjónustunnar. Mín fjölskylda gerði það hinsvegar ekki. Þetta var fremur óþægilegt augnablik á fundinum,“ sagði Rumsfeld í viðtali í þættinum Good Morning America á ABC-sjónvarpsstöðinni.

• 1 blogg um fréttina

Bloggað um fréttina

• Rúnar Þór Þórarinsson: svo þeir "felldu" syni Saddams og 14 ára barnabarn hans?