Ríkisstjórn Portúgals að falla

Efnahagsáætlun portúgölsku stjórnarinnar var felld í atkvæðagreiðslu á þingi í kvöld. Búist er við að Jose Socrates forsætisráðherra landsins tilkynni um afsögn sína fljótlega.

Allir fimm stjórnarandstöðuflokkarnir á þingi greiddu atkvæði gegn frumvarpi ríkisstjórnar sósíalistum niðurskurð í ríkisútgjöldum og hækkun skatta. Frumvarpinu var ætlað að tryggja að ekki þyrfti að koma til milljarða aðstoð líkt og Grikkland og Írland fengu á síðasta ári. 

Búist er við að þessi niðurstaða geti haft veruleg áhrif á gengi evrunnar, en Portúgal hefur átt í verulegum efnahagserfiðleikum og margir óttast að landið sé á sömu leið og Grikkland og Írland.

Socrates hafði hótað afsögn ef frumvarpið yrði fellt. Hann sagði fyrir atkvæðagreiðsluna að landið yrði stjórnlaust ef frumvarpið yrði fellt.

• 3 blogg um fréttina

Bloggað um fréttina

• Ómar Geirsson: Uppreisn númer 2 er hafin gegn AGS
• Lísa Björk Ingólfsdóttir: Velkomin í ESB - Undralandið góða!
• Ingibjörg Guðrún Magnúsdóttir: Er komin fyrirmynd...