684.000 milljarðar brenna upp

Það þyrfti mörg seðlabúntin til að hafa upp í hátt ...
Það þyrfti mörg seðlabúntin til að hafa upp í hátt í 700.000 milljarða króna. Reuters

Hætt er við að fjárfestar eigi eftir að fá martraðir fram eftir hausti því alls hefur óróinn á mörkuðum í ágúst þurrkað út 6.000 milljarða dala í heimshagkerfinu, alls 684.000 milljarða króna. Jafngildir það að þjóðarframleiðsla Íslands í ríflega 400 ár hafi gufað upp.

Það er með þessar tölur í huga sem Christine Lagarde, framkvæmdastjóri Alþjóðagjaldeyrissjóðsins, varaði við afleiðingum þess að treysta ekki stöðu evrópskra banka þegar hún ræddi stöðuna í heimshagkerfinu á fjármálafundinum í Jackson Hole um helgina.

Fjallað er um ummæli hennar á vef breska dagblaðsins The Guardian en þar segir að evrópskir bankar hafi nú minni aðgang að erlendu lánsfé en áður vegna kreppunnar á evrusvæðinu. Er ofangreindur eignabruni fenginn úr sömu frétt en vitaskuld er ekki auðvelt að henda reiður á tapinu sem fjármálafyrirtæki hafa orðið fyrir. Hin stjarnfræðilega tala bregður þó birtu á þá ákvörðun bankastjóra að segja upp tugþúsundum starfsmanna sinna á undanförnum vikum.

Varar við krappri niðursveiflu

Túlkar breska blaðið ræðu hennar svo að í henni hafi falist ein eindregnasta viðvörun hennar við hættunni á annarri lánsfjárkreppu, líkri þeirri sem skók markaði haustið 2008.

Þá hafi hún þrýst á bandarísk stjórnvöld að sporna gegn frekari lækkun á fasteignaverði vestanhafs. Hvernig það beri að gera fylgir ekki sögunni en eins og rakið hefur verið á mbl.is gengur treglega að selja dýrari eignir í Bandaríkjunum um þessar mundir.

mbl.is

Bloggað um fréttina

Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...
Tattoo
...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
 
Aflaheimildir
Tilkynningar
Auglýsing eftir umsóknum um afla...
Félagsstarf
Staður og stund
Aflagrandi 40 Opin vinnustofa kl. 9 og j...
Félagsstarf
Staður og stund
Aflagrandi 40 Opin vinnustofa kl. 9 og b...
Framhald
Nauðungarsala
Uppboð Einnig birt á www.naudungarsolu...