Forseti Bandaríkjanna, Barack Obama, hvetur egypsk stjórnvöld til þess að verja sendiráð Ísraela í Kaíró en fjölmenn mótmæli eru fyrir utan sendiráðið. Einhverjir mótmælendur eru komnir inn í bygginguna.
Obama ræddi við forsætisráðherra Ísrael, Benjamin Netanyahu, í kvöld og lýsti yfir áhyggjum sínum af ástandinu í Kaíró. Sammæltust þeir um að vera í nánu sambandi á næstunni vegna ástandsins í Kaíró.
Mótmælendur eru komnir inn fyrir öryggishlið sendiráðsins og er búið að draga niður fána Ísraels við sendiráðið.