Afganskir mótmælendur, vopnaðir slöngvivöðum og bensínsprengjum, sitja nú um stærstu herstöð Bandaríkjamanna í Afganistan vegna orðróms um að hermenn NATO hefðu lagt eld að Kóraninum, trúarriti múslíma.
Verðir við herstöðina, sem er í Bagram, um 60 kílómetra norður af Kabúl, höfuðborg Afganistan, skutu gúmmíkúlum að mómælendum sem hrópuðu „Allahu akbar, Allahu akbar“ eða „Guð er máttugur“.
Hundruð manna mótmæltu að auki í Kabúl.
John Allen, yfirmaður herafla Bandaríkjamanna í Afganistan, baðst afsökunar og fyrirskipaði rannsókn á málinu. Óvirðing við íslamstrú getur varðað dauðarefsingu í Afganistan.