Keyptu kynlífsþjónustu af unglingsstúlkum

Howard Shaw er meðal þeirra karla sem ákærðir hafa verið fyrir vændiskaup af ólögráða stúlku. stækka

Howard Shaw er meðal þeirra karla sem ákærðir hafa verið fyrir vændiskaup af ólögráða stúlku. AFP

Opinberir starfsmenn, viðskipta- og stjórnmálamenn í Singapúr hafa verið ákærðir fyrir að kaupa vændi af ólögráða stúlku. Vændi er löglegt í Singapúr en ekki er löglegt að kaupa það af fólki undir lögaldri. Singapúr hefur það orð á sér að vera mjög íhaldssamt og siðvant samfélag en kynlífsiðnaðurinn blómstrar þar í landi og hefur gert allar götur frá því landið var ein aðal höfn breska heimsveldisins í Asíu.

48 menn hafa verið ákærðir fyrir vændiskaupin. Umræðan í landinu snýst nú um að setja höft á kynlífsiðnaðinn í stað þess að koma í veg fyrir tilvist hans.

Skólastjóri í grunnskóla var sá fyrsti sem ákærður var fyrir að kaupa vændi af ólögráða stúlku. Hann hefur nú verið dæmdur í níu vikna fangelsi fyrir brotið.

Meðal þeirra sem ákærðir hafa verið eru starfsmenn stórfyrirtækja sem eru með höfuðstöðvar eða útibú í landinu, m.a. einn starfsmaður UBS bankans. Sá maður er svissneskur.

Hneykslið komst hins vegar ekki í hámæli fyrr en Howard Shaw, sem er afabarn Rumne Shaw sem stofnaði kvikmynda- og fjölmiðlaveldið Shaw-stofnunina, var ákærður. Howard Shaw er 41 árs fjölskyldmaður en hann keypti vændi af táningsstúlku, rétt áður en hann giftist þekktri fegurðardrottningu.

Samfélagsmiðlar í Singapúr loga þessa dagana og margir telja að mun fleiri karlar verði ákærðir vegna vændiskaupa.

Það sem einnig vekur athygli er hvernig yfirvöld í landinu hafa tekið á málinu. Talsmaður innanríkisráðuneytisins hefur m.a. sagt að ekki sé mögulegt að loka vændishúsum sem þrífast vel víða um landið, sérstaklega í ákveðnum hverfum borganna. Segir talsmaðurinn að slíkt myndi bara auka skipulagða glæpastarfsemi.

  • Til baka
  • Blogga um frétt
  • Senda
Suzuki Baleno 98 Verð 250.000 kr
Suzuki Baleno framhjóladr 1600 cc sjálfsk ek 190.500 km skipt um tímareim í 170...
Toyota Yaris árgerð 2004.
Er með Toyota Yaris árgerð 2004 til sölu. Keyrður 166.000. Bíllinn er 5 dyra með...
Ný aftursæti í Jeep Wrangler
Glæný og ónotuð Besttop aftursæti í Wrangler. Passar í allar árgerðir. Einnig hæ...
Nuddsteinar og pottur 39.000 kr saman. Fallegir basalt nuddsteinar ásamt steinapotti
Viltu auka business þinn.(Hot Stones) . Hlægilegt verð :Fallegir Nuddsteinar (Ba...
 
Félagsstarf
Staður og stund
Aflagrandi 40 Opin vinnustofa kl. 9, gön...
Framhald uppboðs
Nauðungarsala
Uppboð Einnig birt á www.naud...
Deiliskipulagstillaga borgarbyggð
Tilkynningar
Auglýsing um deiliskipulagsti...
Hlín
Félagsstarf
jHlín 6014102119 IV/V ...