Systkini báru ábyrgð á tilræðinu

13 létu lífið í sprengingunni og yfir 100 særðust, margir alvarlega. BASHIR ALIYEV

Rússnesk stjórnvöld segja að systkini beri ábyrgð á sprengjutilræðinu í Dagestan-héraði í gær þar sem 13 létu lífið og yfir 100 særðust.

Í yfirlýsingu frá rússneskum yfirvöldum segir að Rizvan og Muslimat Aliyev hafi sprengt sprengjuna. Rizvan hafi verið 23 ára og systir hans 19 ára. Engar frekari upplýsingar voru gefnar um tilræðið, en grunur leikur á að þau hafi verið þjálfuð af hryðjuverkasamtökum til að sprengja sprengjuna.