Tekin af lífi fyrir framhjáhald

Talibanar í Afganistan hafa tekið konu af lífi sem þeir sökuðu um framhjáhald. Konan var tekin af lífi opinberlega að viðstöddum um 150 mönnum.

Í frétt frá Reuters kemur fram að fréttastofan hafi fengið myndskeið sem sýnir mann með túrban nálgast konu sem grúfir sig niður í jörðina. Hann tók síðan upp byssu og skaut konuna fimm sinnum. Um 150 manna hópur manna sem horfði á aftökuna fagnaði dauða hennar.

Á myndskeiðinu, sem er um þriggja mínútna langt, sést maður segja að Allah hafi varað við framhjáhaldi. Hann segir að Allah hafi fyrirskipað að konan væri tekin af lífi.

• 1 blogg um fréttina

Bloggað um fréttina

• Kristin stjórnmálasamtök: Reginmunur kristni og islams