Myndarlega mannætan nýtur kvenhylli

Luka Rocco Magnotta.
Luka Rocco Magnotta. AFP

Myndarlega mannætan Luka Magnotta nýtur mikillar hylli kvenna á meðan hann bíður dóms vegna morðákæru. Magnotta er grunaður um að hafa myrt og lagt sér til munns elskhuga sinn í Kanada áður en hann sendi hluta af fórnarlambinu í skóla og aðrar stofnanir.

„Ég mun styðja hann“

Lögreglan náði að hafa hendur í hári hins 29 ára gamla Kanadamanns í Frakklandi eftir að hann flúði land í kjölfar morðsins. Magnotta, sem hafði lifibrauð sitt af klámmyndaleik, hefur fengið mikla athygli frá kvenkyns aðdáendum þrátt fyrir ofbeldisverkið. „Ég hef áhyggjur af honum. Því fylgist ég með öllum fréttum af honum. Mig hefur meira að segja dreymt hann,“ sagði 18 ára gömul stúlka að nafni Soph í samtali við ABC-sjónvarpsstöðina. „Hann er fallegur maður, en það er ekki aðalmálið. Ég er hrifinn af hans innri manni. Ég mun styðja hann hvað sem á dynur,“ sagði stúlkan hrifnæma.  

Fleiri stúlkur hafa tekið undir orð hinnar 18 ára gömlu Soph. 21 árs stúlka stofnaði facebookstuðningssíðu til heiðurs Magnotta. Síðan fékk 1.400 fylgjendur áður en henni var lokað vegna óviðeigandi innihalds. „Ég bjó til hópinn því hann þarf á stuðningi okkar að halda,“ sagði hún í samtali við Huffington Post. „Ég kann vel við hann. Hann hlýtur að halda að engum líki við hann en það er rangt.“

Dýrkar sjálfan sig

Scott Bonn, félagsfræðingur í Drew-háskólanum í New Jersey, telur marga af stuðningsmönnum Magnotta leita skýringa á því hvers vegna hann framdi þessa glæpi. „Þessir einstaklingar hafa brennandi þörf til að kynnast persónunni á bak við ímyndina,“ segir Bonn sem vinnur að bók um fjöldamorðingja. „Hann sóttist eftir aðdáun almennings," segir Bonn. „Hann er maður sem dýrkar sjálfan sig og hefur mikla löngun í athygli almennings,“ segir Bonn.

mbl.is

Bloggað um fréttina

Frá Sýrlandi til Evrópu - Greinaflokkur

Bækur um ættfræði byggðasögu og ýmsan fróðleik til sölu
hef til sölu nokkur grundavallarrit ættfræðinnar ásamt ritum um atvinnu og byggð...
Ódýr Ferðanuddbekkur nokkur stk 46.000 www.egat.is
- Hægt að hækka og lækka bak eins og hentar - Ferðataska fylgir ...
Starttæki 560 amper start 60 amp hleðsla
Öflug startæki , gott verð 12 og 24 volt með klukkurofa, til á lager . 230 volt ...
Gjafabréf á ljósmyndanámskeið
Hægt er að kaupa gjafabréf á öll námskeið á rafrænu formi hjá ljosmyndari.is ...
 
Land til sölu
Til leigu
Land til sölu Til sölu eða leigu 4,6 h...
Tillaga
Tilkynningar
Tillaga að matslýsingu Í samræmi við l...
L helgafell 6017121319 vi
Félagsstarf
? HELGAFELL 6017121319 VI Mynd af au...
Onrs- 2017- 19 ræstingaþjónusta
Tilboð - útboð
/ 14.12.2017 Útboð Orka náttúrunna...