2012 DA14 nálgast jörðina á ógnarhraða

Geimvísindastofnun Bandaríkjanna, NASA, fylgist grannt með för smástirnisins 2012 DA14 sem nálgast jörðina á ógnarhraða en það fer framhjá jörðinni í dag. NASA segir þó að engin hætta sé á því að smástirnið rekist á jörðina en það er stærsta smástirnið sem hefur komið svo nálægt jörðu.

Smástirnið er 45 metrar að þvermáli, að því er fram kemur á vef NASA. Það fer framhjá jörðu á um 27 þúsund kílómetra hraða og verður næst henni um klukkan 19:25 að íslenskum tíma. Talið er að stjörnuskoðarar í Austur-Evrópu, Asíu og Ástralíu geti séð stirnið með sjónaukum.

Annað smástirni, Apófis, fór framhjá jörðinni í janúar. Smástirnið fannst árið 2004 og fyrstu athuganir bentu til þess að líkurnar á því að það rækist á jörðina árið 2029 væru um 2,7%. Frekari athuganir leiddu ljós að hættan á árekstri árið 2029 er miklu minni en talið var. Hins vegar eru líkurnar á því að smástirnið rekist á jörðina 13. apríl 2036 taldar vera einn á móti 250.000.

Apófis er líklega um 270 metrar að þvermáli. Ef smástirnið rækist á jörðina myndi orkan, sem leystist úr læðingi, samsvara um 25.000 kjarnorkusprengjum á stærð við þá sem eyddi Hiroshima.

Tvær halastjörnur fara framhjá jörðinni í ár. Önnur þeirra, halastjarnan PANSTARRS, verður björtust 8. til 12. mars og gæti þá orðið sýnileg berum augum frá norðurhveli jarðar. Talið er að hægt verði að sjá hina halastjörnuna, ISON, með berum augum í lok nóvember.

mbl.is

Bloggað um fréttina

PL Crystal Line, heitustu úrin í Paris.
Með SWAROVSKI kristals skífu, 2ja ára ábyrgð. Sama verð og í heimalandinu 16 til...
Flott kommóða rótar-spónn - sími 869-2798
Er með flotta kommóðu, spónlagða og innlagða á 25.000. Hæð 85x48x110 cm, 5 skúff...
Toyota Yaris 2009
Til sölu Toyota Yaris 2009 124,000 Km 850,000 Kr ,eða gott tilboð ? í góðu ...
 
L helgafell 6017121319 vi
Félagsstarf
? HELGAFELL 6017121319 VI Mynd af au...
Land til sölu
Til leigu
Land til sölu Til sölu eða leigu 4,6 h...
Deiliskipulag
Tilkynningar
Skútustaðahreppur Auglýsing um deilis...
Félagsstarf aldraðra
Staður og stund
Aflagrandi 40 Opin vinnustofa kl. 9, gön...