Vilja ekki eitt innistæðutryggingakerfi

Þýsk stjórnvöld hafa lagst gegn hugmyndum um eitt innistæðutryggingakerfi fyrir allt Evrópusambandið eins og fyrirætlanir hafa verið um í tengslum við fyrirhugað bankabandalag innan sambandsins. Í það minnsta um sinn.

Fréttaveitan Reuters segir að ástæðan sé ótti ráðamanna í Þýskalandi við það að þýskum skattgreiðendum verði í gegnum slíkt kerfi gert að greiða fyrir mistök banka í öðrum ríkjum innan Evrópusambandsins.

Vísað er í því sambandi í ummæli sem Angela Merkel, kanslari Þýskalands, lét falla síðastliðinn fimmtudag í borginni Dresden í suðausturhluta landsins þar sem hún viðraði þessar áhyggjur.

• 2 blogg um fréttina

Bloggað um fréttina

• G. Tómas Gunnarsson: Euroþreyttir Þjóðverjar
• ÞJÓÐARHEIÐUR - SAMTÖK GEGN ICESAVE: ESB-innistæðutryggingasjóður fyrir bí ?! - og horft hingað heim!