Kjarnorkumál verði rædd og leyst með friðsömum hætti

Barack Obama Bandaríkjaforseti segir að sáttaviðhorf íranskra stjórnvalda sé grundvöllur sem byggja megi á til að komast að samkomulagi um kjarnorkuáætlun Írans. Hann segir að Bandaríkin vilji finna lausn með friðsömum hætti.

Obama lét ummælin falla á fundi allsherjarþings Sameinuðu þjóðanna í New York í dag. Hann segir að nú hafi aðgerðir fylgt orðum sem eru gagnsæ og hægt sé að sannreyna.

Obama átti nýverið í bréfaskriftum við Hassan Rowhani, sem var kjörinn forseti Írans í sumar, þar sem kjarnorkumálin voru rædd. 

Bandaríkjaforseti hefur jafnframt kallað eftir því að SÞ samþykki harðorða álytkun varðandi efnavopn Sýrlandsstjórnar. Hann segir að markmið slíkrar ályktunar eigi að vera að sannreyna að ríkisstjórn Bashars al-Assads, forseta Sýrlands, standi við gefin loforð um að fjarlægja eða eyða öllum efnavopnum í landinu.

Obama segir ennfremur, að það sé móðgun við almenna skynsemi og lögmæti SÞ að halda því fram að einhver annar en Sýrlandsstjórn hafi staðið á bak við efnavopnaárásina í Damaskus 21. ágúst sl. en eftirlitsmenn á vegum SÞ hafa staðfest að slík árás hafi átt sér stað. 

mbl.is

Bloggað um fréttina

Frá Sýrlandi til Evrópu - Greinaflokkur

Coleman fellihýsi með fortjaldi
Til sölu Coleman fellihýsi árg. 1996 með fortjaldi. Hýsið er í ágætu standi. Nýr...
Skimpróf fyrir ristilkrabbameini !!
Eftir hægðir setur þú eitt Ez DETECT prófblað í salernið. Ef ósýnilegt blóð e...
SUMARHÚS - GESTAHÚS - BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...
 
Félagsstarf
Staður og stund
Árskógar 4 Opin smíðastofa kl. 9-16. Sun...
Framhald uppboðs
Nauðungarsala
Uppboð Einnig birt á www.naudungarsolu...
Aðalfundur
Fundir - mannfagnaðir
Aðalfundur Hollvinasamtaka Heilsustofn...
Samkoma
Félagsstarf
Samkoma kl. 20 í Kristniboðs- salnum. R...