Aftöku frestað á síðustu stundu

Joseph Paul Franklin
Joseph Paul Franklin

Bandarískur dómari frestaði aftöku fjöldamorðingjans Josephs Pauls Franklins á síðustu stundu í gærkvöldi þar sem efasemdir eru um lyfið sem nota á við aftökuna.

Taka átti Joseph Paul Franklin af lífi skömmu eftir miðnætti í nótt en héraðsdómari í Missouri, Nanette Laughrey, frestaði aftökunni tímabundið þar sem hætta væri á að  lyfið, pentobarbital, ylli ónauðsynlegum kvölum við andlátið. Slíkt væri brot á áttundu grein stjórnarskrárinnar, að sögn Laughrey.

Samkvæmt frétt CNN hafði annar héraðsdómari, Carol Jackson, einnig frestað aftökunni á grundvelli andlegrar heilsu Franklins.

Von er á niðurstöðu áfrýjunardómstóls innan nokkurra daga um hvort af aftökunni verður eður ei.

Líkt og fram kom á mbl.is í gær neitaði ríkisstjóri Missouri að þyrma lífi Franklins en hann myrti Gerald Gordon úr launsátri í samkunduhúsi gyðinga í úthverfi St. Louis árið 1977. Alls myrti Franklin tuttugu manns en var dæmdur fyrir átta morð. Hann var hins vegar einungis dæmdur til dauða fyrir morðið á Gordon. Franklin er kynþáttahatari og myrti fólk sem var svart á hörund eða gyðingar víðs vegar um Bandaríkin á tímabilinu 1977 til 1980.

Lífi fjöldamorðingjans verður ekki þyrmt

mbl.is

Bloggað um fréttina

Frá Sýrlandi til Evrópu - Greinaflokkur

Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
Íslenskir stálstólar nýklæddir 4stykki og fleiri
er með nokkra Ísl. stálstóla, nýtt áklæði, í góðu standi á 12.500 kr. STYKKIÐ. ...
Teikning eftir Mugg til sölu
Til sölu blýants- og tússteikning eftir Mugg, stærð 17,5x22 cm. Úr seríunni Sjöu...
 
Eldri borgarar
Staður og stund
Aflagrandi 40 Það er opin vinnustofa hjá...
Opinn fundur
Fundir - mannfagnaðir
Sjálfstæðisflokkurinn í Hafnarfi...
Framhaldssölur
Nauðungarsala
Uppboð Einnig birt á www.naudungarsolu...
L helgafell 6017092019 iv/v
Félagsstarf
? HELGAFELL 6017092019 IV/V Mynd af ...