Win Tin, sem hefur barist fyrir mannréttindum í Búrma í áratugi, lést í nótt, 84 ára að aldri. Herforingjastjórnin í landinu handtók hann árið 1989 en samtals fékk hann að dúsa í fangelsi í nítján ár.
Hann var góður vinur Aung San Suu Kyi, stjórnarandstöðuleiðtogans í Búrma, en þau störfuðu saman í Lýðræðishreyfingunni.
Í frétt AFP segir að Win Tin hafi á ævi sinni hlotið fjölda alþjóðlegra verðlauna fyrir baráttu sína fyrir lýræðisumbótum, svo sem frelsisverðlaun UNESCO árið 2001.
Frétt mbl.is: Boðar byltingu hugarfarsins