Þýski rapparinn Deso Dogg lést í sjálfsmorðssprengjuárás í Sýrlandi á sunnudag.
Hann var meðlimur í jíhadistasamtökunum ISIL, þ.e. Hins íslamska ríkis og Miðjarðarhafsbotna. Fimmtán aðrir meðlimir samtakanna létu lífið.
Eftir að hafa nærri látið lífið í bílslysi árið 2010 lagði rapparinn tónlistarferilinn í Þýskalandi á hilluna og tók upp múhameðstrú. Síðan þá hefur hann barist fyrir ýmsa íslamska öfgahópa, nú síðast í Sýrlandi.
Sprengjuárásin varð er átök brutust út á milli ISIL og andstæðinga þeirra í samtökunum Al-Nusra Front, systursamtökum Al-Qaeda í Sýrlandi.