Hollenska lögreglan rýmdi í dag aðaltorg Amsterdam, Dam-torgið, vegna sprengjuhótunar. Höll konungsfjölskyldunnar stendur við torgið.
„Vegna sprengjuhótunarinnar í Bijenkorf-verslunarmiðstöðinni hefur húsið verið rýmt,“ segir í Twitter-færslu lögreglunnar. Síðar var ákveðið að rýma allt torgið.
Lögregluþyrlu er nú flogið yfir torgið og mikill viðbúnaður er á svæðinu.