Tveir eru í haldi lögreglu í Finnmörk í Noregi fyrir að hafa nauðgað tveimur unglingsstúlkum. Er nú rannsakað hvort þeir hafi brotið gegn þeirri þriðju.
Í frétt Aftenposten kemur fram að annar þeirra er fimmtán ára en hinn á þrítugsaldri. Þeir höfðu dælt áfengi í stúlkurnar en fólkið var í partíi aðfaranótt sunnudags þegar brotin voru framin.
Lögreglustjórinn í Vestur-Finnmörk, Svein Erling Mikalsen, segir í samtali við Aftenposten að mennirnir hafi verið handteknir í gær en þeim hafi verið sleppt að loknum yfirheyrslum.