Hátt settir palestínskir embættismenn segja að samkomulag hafi náðst milli ísraelskra stjórnvalda og Hamas-hreyfingarinnar á Gaza um vopnahlé. Egyptar komu að því að miðla málum og fram kemur á vef BBC að um langtímasamkomulag sé að ræða.

Moussa Abu Marzouk, aðalsamningamaður Hamas, segir að samkomulagið muni binda enda á átökin sem hafa staðið yfir í sjö vikur, en yfir 2.200 hafa látist. Marzouk segir að fljótlega verði tilkynnt um samkomulagið með formlegum hætti.

Palestínumenn segja að Ísraelar hafi samþykkt að draga úr lokunum á Gaza og byrja að hleypa hjálpargögnum og byggingarefni inn á svæðið.

Ekki hafa borist viðbrögð frá ísraelskum stjórnvöldum. 

Átökin hafa staðið yfir í um tvo mánuði og kostað mörg mannslíf, en yfirgnæfandi meirihluti þeirra sem hafa látist eða særst eru Palestínumenn. AFP

Tengdar fréttir

Ísrael/Palestína

Hernaðaraðstoð samþykkt – Vopnasendingar í vikunni

• Gerðu drónaárásir á ísraelskar herstöðvar
• Áköf mótmæli í bandarískum háskólum
• Björguðu barni úr móðurkviði eftir loftárás
• Engar sannanir sem bendla UNRWA við árásina

» Fleiri tengdar fréttir

• 1 blogg um fréttina

Bloggað um fréttina

• ÞJÓÐARSÁLIN: Að grafa sína eigin gröf