Grunur leikur á að ebólusmit hafi greinst í manni í Stokkhólmi í Svíþjóð. Þetta segir embættismaður í samtali við AFP-fréttaveituna. Fram kemur á vef Svenska Dagbladet í dag, að einn maður hafi veikst eftir að hafa heimsótt svæði þar sem ebólufaraldurinn hefur geisað.
Viðkomandi er nú haldið í sóttkví á Karolinska sjúkrahúsinu í Huddinge.
Sóttvarnalæknirinn Ake Örtqvist segir í samtali við blaðið að hættan á að þetta sé í raun ebólusmit sé algjörlega minniháttar, en hann tekur fram að menn taki hins vegar enga áhættu og nú sé farið eftir ströngu ferli.
Svenska Dagbladet segir að sérútbúinn sjúkrabifreið hafi verið send á heimili manns í Stokkhólmi til að sækja þar mann sem er grunaður um að hafa sýkst af ebóluveirunni.
Örtqvist segir að ungur maður, sem hafi nýverið verið á ferðalagi í Afríku, liggi nú á sjúkrahúsinu. Hann ítrekar að hættan á ebólusmiti í Svíþjóð sé afar lítil.
„Veiran dreifist ekki með lofti, hún smitast á milli manna með beinni eða óbeinni snertingu, í gegnum blóð og aðra líkamsvessa,“ segir hann.
Rétt er að ítreka þær upplýsingar sem hafa komið fram á vef embættis landlæknis.
Sóttvarnalæknir leggur áherslu á að:
Sóttvarnalæknir telur ólíklegt að ebóla muni berast til Íslands.