Norska konan læknuð af ebólu
Setja bókamerki
Norsk kona sem smitaðist af ebólu er hún starfaði með samtökunum Læknar án landamæra í Síerra Leóne hefur nú verið læknuð af sjúkdómnum.
Samtökin sögðu frá þessu í dag.
„Við erum mjög glöð að heyra að samstarfskona okkar hefur nú verið læknuð,“ sagði Jonas Haagensen, talsmaður Lækna án landamæra í Noregi.
Í yfirlýsingu frá Háskólasjúkrahúsinu í Osló kom fram að konan hefði nú verið útskrifuð af sérstakri einangrunardeild sjúkrahússins. Hún lagðist þar inn 7. október eftir að hafa komið til Noregs í sérstöku sjúkraflugi frá Síerra Leóne.
„Þetta eru frábærar fréttir,“ sagði Haagensen sem vildi ekki tjá sig meira um málið að svo stöddu.
Lítið hefur verið gefið út um meðferð konunnar sem er 30 ára gömul. Fyrir viku kom þó fram að hún væri í stöðugu ástandi og á batavegi.
Strand skemmtiferðaskips kallar á erlenda aðstoð
Kostnaður meiri en milljón á fermetra
Kaldasti veturinn kom að óvörum
Hvorki sést áður hér á landi né annars staðar
Sex hafa greinst með listeríu
Skaut sex sinnum að feðginum á aðfangadagskvöld
Væri að ljúga ef ég segðist ekki stressaður