Að minnsta kosti þrjátíu manns eru slasaðir eftir að farþegalest fór út af sporinu í suðurhluta Kaliforníu í Bandaríkjunum í dag. Lestin rakst á vörubíl sem var á teinunum en ökumaður bílsins er sagður hafa flúið af vettvangi.
Slysið átti sér stað kl. 5:45 að staðartíma nærri borginni Oxnard sem er um 120 kílómetra frá Los Angeles. Starfsmaður slökkviliðsins á svæðinu sagði fréttamanni CNN að ökumaður bílsins hafi verið handtekinn.
Á sjónvarpsmyndum mátti sjá að nokkrir vagnar lestarinnar fóru út af sporinu og vörubílinn alelda.
Lestin var á leið inn til Los Angeles með fjölda farþega rétt um það leyti sem morgunumferðin var að fara af stað.