Flugskeytaflutningsbann til Írans afnumið

Rússar hafa leyft flutninga á S-300 loftvarnarflaugum frá landinu til Írans. Þetta kemur fram í tilkynningu frá rússneskum yfirvöldum í dag.

Þar segir að samkvæmt tilskipun sem Vladimir Pútín Rússlandsforseti undirritaði megi nú flytja S-300 flugskeyti til Írans. Stutt er síðan Vesturlöndin og Íran náðu samningum um kjarnorkustefnu Írans.

Með tilskipun Pútíns afnemur hann bann við „flutningum frá Rússlandi til Írans" á S-300 flugskeytum. Bannið við flugskeytaflutningum til Írans hefur verið á frá árinu 2010.

S-300 sáust fyrst í Sovétríkjunum árið 1979. AFP

• 1 blogg um fréttina

Bloggað um fréttina

• Gústaf Adolf Skúlason: Frítt fram fyrir hervæðingu Írana