Frelsisstyttan var rýmd í dag vegna dularfulls pakka, samkvæmt upplýsingum frá lögregluyfirvöldum í New York.
Hafði eyjan sem styttan stendur á verið rýmd fyrir klukkan 14:00 að staðartíma og var teymi sprengjusérfræðinga sent á staðinn.
NBC greinir frá því að lögregluyfirvöld hafi skipað fyrir um rýmingu eyjunnar eftir að hafa fengið símtal þar sem varað var við sprengju. Í kjölfarið hafi lögregluhundur fundið grunsamlega lykt á svæði með skápum þar sem gestir geta geymt eigur sínar.
Þúsundir manna heimsækja Frelsisstyttuna daglega sem er 46 metrar á hæð og var gjöf frá Frakklandi til bandarísku þjóðarinnar árið 1886.
Evacuated from liberty isl due to "situation" and concern for safety. How often does that happen? #nyc #crowdedferry pic.twitter.com/vAzXaNzqOm
— Daniel Dittenhafer (@dwdii) April 24, 2015