Bardagar hófust í gær í bænum Maryinka í Úkraínu, skammt fyrir utan Donetsk, á milli Úkraínumanna og uppreisnarmanna með stuðning Rússa. Eru þetta fyrstu alvarlegu bardagarnir á svæðinu í þrjá mánuði. 

Bærinn Maryinka er um 15 kílómetra fyrir utan Donetsk og eru íbúar hans um 10 þúsund. Talsmaður úkraínska forsætisráðherrans staðfesti í gærkvöldi að tveir úkraínskir hermenn höfðu látið lífið og 30 særðust. Talið er að uppreisnarmennirnir hafi verið þeir sem hófu árás. Bardagarnir þróuðust þó ekki út í stærri bardaga eins og óttast var um á tímabili. 

Uppreisnarmennirnir fullyrða að úkraínskir hermenn hafi drepið 15 manns, þar af óbreytta borgara. Dmitriy Peskov, fjölmiðlafulltrúi Vladimírs Pútíns, segir Úkraínska herinn bera ábyrgð á bardaganum. „Við fylgjumst vel með þessu frá Moskvu og við erum vonsvikin yfir þessum ögrandi aðgerðum úkraínska hersins. Þeirra aðgerðir kalla fram þessi viðbrögð,“ segir Peskov.

Tengdar fréttir

Úkraína

Leggjast gegn hernaðarstuðningi við Úkraínu

• Landbúnaðarráðherra Úkraínu handtekinn
• Hernaðaraðstoð samþykkt – Vopnasendingar í vikunni
• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn

» Fleiri tengdar fréttir

• 1 blogg um fréttina

Bloggað um fréttina

• Gústaf Adolf Skúlason: "Vesturlönd VERÐA að takast á við Pútín, annars kollsteypast bæði …