Tveir eru látnir eftir að annar þeirra kveikti í sjálfum sér um borð í lest í Japan. Maðurinn hafði hellt bensíni yfir sig í fremsta vagni lestarinnar og bar svo eld að.
Lestin var á leið frá Tokyo til Osaka og um þúsund manns voru um borð. Lestin var nálægt borginni Odawara þegar þrýst var á neyðarhnapp og upp komst um eldinn. Að minnsta kosti sex slösuðust auk þeirra tveggja sem létu lífið.
Allar lestir á leið frá Tokyo til Osaka hafa verið stöðvaðar.
Lítið hefur verið gefið út um málið, en lögregla rannsakar það sem sjálfsvíg.